100%200%
Бұқар жырау ауданы әкімдігінің
аппараты порталы

Новости

ҰЛЫ ЖЕҢІС КҮНІ ҚУШОҚЫ КЕНТІНДЕ

Бүгінгі күні Ұлы жеңістің 73 жылдығына орай әр – бір елді мекендерде мерекелік іс – шаралар жалғасын табуда. Отан алдында от кешіп сұрапыл соғыстың талай қиыншылықтарын басынан кешкен ел азаматтарын ұмыт қалдырмау, оларға деген сый – қошемет көрсету кейінгі болашақ ұрпақтың парызы.

Қазіргі кезде 50 тыл еңбек ардагерлері ортамызда бақытты өмір кешуде. Бұл мерекені Қушоқы кентінің әкімі Қайрат Нұрмұқанұлы Құсайынов тыл еңбек  ардагерлерінің үйлеріне барып, құттықтап сый - сыйапатын табыс етті. Мерекенің алдын ала барлығына шақырту билеті берілді. Ұлы жеңістің 73 жылдығына арналған шара Жеңіс күніне арналған салтанатты саптық шеру мен парад өткізілді. Қушоқы кентінің соғыс ардагерлеріне арналған ескерткіш тақта мен аллея ескерткішіне гүл шоқтарын қоюдан басталды. Жиылған жұрт соғыс құрбандарын үнсіздікпен еске алды. Қан майданда қаза тапқан батырлар рухына тағзым етті. Іс-шараны бастамас бұрын кент әкімі Қ.Н. Құсайынов тыл ардагерлері мен қарттарын бүгінгі Ұлы жеңіс күнімен құттықтады. Іс-шара мерекелік концертке ұласты.

Қушоқы кенті әкімінің аппараты

Вернуться к списку новостей

© 2015 Информационный портал аппарата акима Бухар-Жырауского района
Яндекс.Метрика
Разработка и поддержка сайта: Интернет компания «Creatida»